乜你咁小氣嫁，爛都爛左，賠返比你啦！”
“我要佢借比我睇下姐麻，又唔係攞佢”
“輸左，咪再玩過囉~ 洗唔洗喊呀”
以上感覺或內容，唔知您覺唔覺得陌生，不過我就由細聽到大。特別係大時大節，總係有D親朋戚友想去“挑戰”自己耳膜既承受能力。
“有時都唔明佢，做乜無啦啦情緒失控”
“明明好小事姐，好似世界沒日咁”
當然，唔係個個人都有同小朋友相處既知識同經驗。但依個時候，有時作為父母既回應，就顯得非常關鍵。父母一方面要背負住其他人對小朋友既期望，同時又要回應小朋友突如其來既情緒。
一件玩具、一粒糖果、或者一場遊戲，對我地黎講可能真係無關痛癢；但小朋友會咁大情緒，其中一個原因係依件事對小朋友黎講好重要。
要真正感受孩子所感受的，要先看重孩子所看重的。
“但係我真係唔明白有乜咁重要……”
其實可能大人真係唔會明，亦都唔需要明；相反，我地只需要知道小朋友重視而對此重視就可以。或者我地可以將佢比喻為一樣對自己好珍重既野 — 你既新手機、舊相片、Hi-Fi、黎緊工作既機會、一個您重視的人等；再代入孩子的角度感受。（每個人都有自己覺得珍重既野。如何有人無啦啦攞左或整爛左，仲話你點解咁大反應，你仲唔XY佢！？）
所以依個時候，小朋友並唔需要乜野大道理；相反，在場其他人都唔理解孩子既情況下，您簡單一句「我明白您，我感覺到你真係好唔開心」對佢地黎講更重要 — 因為此刻，您成為左一個能夠無條件接納佢愛佢既爸爸媽媽。當孩子感受到自己既感受被人明白，佢地會更容易調整自己的情緒；依個時候，再慢慢教導佢地面對既方法都未遲。
Original post: Better Me Parenting Instagram & Facebook
