今年新年又無得拜年=^=，所以我地一家去左IFC行下。老婆一排無行街，當然想把握機會滿足下自己。做老公最緊要識do，就話：「細路交比我，你放心去行街啦~」我老婆當然兩眼發光，一方面話擔心我又要推住細佬BB車，又要捉住阿哥；但另一方，面轉下眼就唔見左人…… XD
其實我早有準備，就係……
鄧燈凳登~ 神奇小畫板 ！
小畫板其實好適合係街玩，因為佢唔需要枱、可以一邊行一邊玩。只要令到玩法變得有趣，小朋友就可以玩到一段長時間。我同仔仔只係玩簡單嘅猜猜畫畫，一個畫一個估。正因為規則簡單，仔仔好快就上手，並將佢嘅注意力集中係身邊嘅事件。一玩就玩左個幾鐘，食完飯之後又玩過，不亦樂乎！
其實小朋友係街「曳」、亂跑亂搞，不外乎一個原因 — 就係唔知有乜好做。親職策劃中，我地不但會學習如何溝通令孩子容易配合，處理不當行為；但更重要，我地可以對症下藥，既與孩子建立親蜜關係，又可以避免不良行為嘅出現，實行防患於未然的管教。
您又有無一D有趣既方法，幫助你管理孩子呢？親子IDEA，歡迎Happy Share~
Also posted at:
