乜野係無聲暗號？
無聲暗號（non-verbal signal），其實係指任何非口述嘅方式提示對方嘅做法。
無聲暗號一般可以係簡單嘅手勢或表情，但同時可以好有創意，例如將食飯碗朝下，黎提示食飯前要洗手；或電視遙控器上的Sticker，來提示要睇電視，要先完成功課。
如何正確使用無聲暗號？
1.在使用無聲暗號之前，必須讓小朋友充分理解該暗號嘅意義。父母可以事先練習或示範，確定孩子理解當中要求。
2.與小朋友協商時，可以比佢參與構想暗號嘅方式，令孩子開始時更願意配合，覺得好玩，同時建立關係和默契。
3. 若小朋友無視暗號，父母可以再簡單口頭提示一下。
「隻匙羹放左係碗上面wor。咁佢代表D乜呢？」
若小朋友繼續無視，就需要配合其他管教技巧來應對。
無聲暗示有唔少好處
一方面，可以「慳返D口水」；另一方面，暗示較著重於提醒，而減少責備的感受；同時，暗示能夠較自然地融入生活當中，讓該行為不知不覺成為習慣。但注意，無聲暗示係雙向嘅。假若有一日小朋友用同樣暗示提示我地，我地都要以身作則，接受提示並做好其要求。
