放左咁耐假，終於等到小朋友開學，小朋友係屋企困左咁長時間，
又需要重新適應實體課嘅生活。唔知你地小朋友適唔適應呢？
唔少家長復課後，都面對小朋友未能夠集中精神做功課嘅情況。
我地做家長，又可以點幫佢呢？
內在動機不強，長時間難專注
要知道小朋友係唔係「分心」，首先我地要比較一般小朋友注意廣度(Attention Span)。
而唔同年紀嘅注意廣度都唔一樣，大家可以利用以下對照表作參考：
「唔係呀！佢平時睇電視可以一兩個鐘，眼都唔貶嫁。」家長可能話。
能夠係一件事上專注長時間，其實需要先做到到「重新專注」：
即係當注意廣度完成後，能夠再一次專注喺同一件事物上。而能否做到重新專注，好取決於佢對該事物嘅動機強定弱。若果對該事物嘅動機強（如電視），就較容易重新專注；相反，若果小朋友的動機（如做功課）唔強，就會對該事物失去興趣，而令注意力容易被其他相對有趣嘅事物吸引，出現我地俗語所謂嘅「分心」。
而要幫助小朋友減少「分心」嘅情況， 家長可以集中係兩個導向著手：
1.移除分心源頭
雖然我地都希望小朋友能夠靠自己意志專注，不過學習專注，並唔簡單。
所以家長都需要調整環境，令小朋友較容易練習專注。
另一種影響小朋友專注力嘅源頭，就係環境嘅舒適度。
倘若我地要係一個凳又坐得唔舒服、光線又唔夠，空氣又侷促嘅地方工作，大人都會諗幾時先走得。所以家長可以為小朋友調整環境，如使用合適高度嘅檯同凳，令小朋友能夠喺一個舒適嘅地方做功課，減少佢因為「唔聚財」而「周身郁」嘅情況。
2.提升孩子對功課嘅動機
要建立孩子嘅動機，真係一個大topic。首當其衝，係要建立孩子嘅「能力感」。
我會建議家長跟據小朋友嘅注意廣度（因人而異），將功課時間拆細為數段，令佢較有把握可以完成功課時間嘅要求。每節之間亦應設立休息時間，一方面鼓勵佢完成了一節功課時間；另一方面，能夠引導孩子下練習「重新注專」。
例如，小明嘅注意廣度大概係10分鐘，之後佢就會眈天望地「發吽哣」。咁我地就會同小明協商，將功課時間訂立為10分鐘 + 休息5分鐘。我亦鼓勵家長善用計時器，令小朋友能夠自己掌握剩餘時間多少。
而休息時間入面，家長可以給予合適的自主權，容許佢以自己希望嘅方式休息，都有助小朋友建立動機。
若小朋友出現「休息時間唔願走」嘅情況，父母能透過預先協定和提前預告，令小朋友有足夠嘅心理準備。假若小朋友依然撒賴，父母就可以運用「自主」與「管教」嘅方法，以移除該「休息活動選項」成為後果，讓佢可以為自己嘅選擇負責任。(詳情可閱貼文內的)
做功課中多休息，反能提升效率！
