「我話左無得食零食呀！邊個叫你唔食晒D飯呀？」
明明我只係想比佢經歷後果，但到頭黎佢會覺得係我地罰佢？
之後就有唔同嘅情緒走晒出黎，又變左一場大龍凰，一發不可收拾……
到底應該點講，先唔會跌入依個「後果與懲罰」嘅陷阱？
認清4個應用「後果」的常見錯誤 讓孩子從選擇中學識負責任
原來用啱技巧能令你事半功倍！
如果啱洗記得Like同Share，分享比身邊嘅人知！
1.沒有事先預告「後果」
「你真係唔食呀麻？好呀我就收晒D野等你無得食！」
雖然對於大人黎講，唔食就收野好似好合理；
但係小朋友嘅認知未必理解。所以家長需要事先預告「後果」，再執行會較合適。
2.採用不適合的「後果」
後果唔係嚴重就好，因為我地唔係要恐嚇佢。
太嚴重或不相關嘅後果，只會令孩子認為係懲罰，而大大減弱左後果係管教嘅果效。
「你唔鍾意食飯麻？咁你今晚都唔好食喇。」
3.溝通時缺乏尊重
「我都話左你嫁啦~」「你自己話唔食野嫁，依家發乜脾氣姐？」
雖然本意唔係想透過後果黎懲罰佢，
但若果我地忍唔住「加多把口」，或以嘲諷嘅語調回應孩子嘅時候，
都會令孩子覺得我地攻擊緊佢，而觸及到佢嘅防衛機制，
導致Fight or Flight Response。
我地可以對孩子嘅感受表示理解，並同孩子一齊面對後果。
4.過份著重於「後果執行者的角色」
「我話左無得食就無得食」「唔好再問我喇，我係唔會比你嫁。」
當家長係執行後果嘅時候，放太多著墨喺「我」身上（家長），
孩子就可能會錯誤理解，從而責任由孩子自己嘅選擇，轉嫁到執行者身上。
我地可以將重點放返喺孩子嘅選擇同後果上：
結語：
要避免自己落入「後果與懲罰」嘅陷阱，我地必須要清楚理解到後果唔係要令孩子與家長對立，
而係一齊透過體驗後果，容許孩子從中衡量得失而作出改變。
同時，並唔係所有情況都容易搵到合適嘅「後果」，因此我地需要配合其他管教工具，
（如3部曲中嘅「可接受的選項」同「回應需求」，詳情可睇返 #一星期一種溝通技巧）
當中搵到一個適合你同小朋友溝通嘅方式同節奏，先可以幫助孩子從選擇中學識負責任。
