有時候同家長傾開，佢地都不謀而合咁同我分享同一個情況：
「仔仔一兩歲嘅時候最好玩，叫佢做乜就做乜，之後好快就唔聽你支笛。」
其實究竟果時BB發生緊乜事？
~
原來BB嘅腦仔發展，喺大概18 – 24個月嘅時候，會突然意識到：
“E？原來我唔洗人講乜就做乜，係可以有自己嘅選擇嫁wor！”
當孩子發現「自主」依個新大陸，就好似第一次發現地心吸力時，會不斷掉野落地一樣，會搵唔同場合“測試”依個新技能，導致開始出現叫佢行東，佢就偏要行西嘅情況。
而我地，依然維持仔女對自己 “唯命是從”既認知，面對佢地突然出現既反抗表現，就會不知所措，甚至冠以父母們聞風喪膽嘅“Trouble 2”之名。
~
要理解如何管理孩子學習自主既課題，首先我地要認清一件事實，就係，孩子永遠都存在“選擇權”。
就算你唔比佢揀，點威迫利誘都好，佢都可以選擇“配合”同“唔配合”。
當一件事件上，孩子完全無選擇權的話，而孩子本身亦未能夠係其他野上充分滿足對「自主」嘅追求時，“唔配合”便成為唯一可以體驗「自主」嘅方法，因此出現“唔配合”嘅回應同行為。
當父母能夠明白孩子永遠都存在選擇權，我地就更要反其道而行，鼓勵孩子做選擇，而唔係單一控制孩子既行為。
反思日常生活中，原來好多方面，都可以給予孩子唔同程度既選擇：
早午餐嘅食材、
當日既日程（可參照#DIY自主學習時間管理 文章）、
當日親子活動嘅內容等。
透過為孩子提供充足嘅練習自主的機會，滿足孩子對「自主」學習嘅追求，就能夠有效提升孩子配合意願。
奶茶爸爸 Dickens
Better Me Parenting 親職策劃師
當然，唔係所有野都可以細路話事。
父母就需要透過「局限性選擇」技巧，
引導孩子係合適的範圍下作出選擇。
有興趣進一步了解嘅家長，
歡迎DM我地，
我地樂意為你地提供解答同支援。