緊接上一篇文章，過份或不當嘅稱讚，
可能會導致孩子依賴外來評價，未能掌握屬於自己的價值。
話雖如此，稱讚下管教的確利多於弊，
所以我地唔係唔讚得，而係要讚得有技巧！
今日分享3招，識讚原來可以咁讚！
1.讚賞孩子品格，而非結果
仔仔攞住剛才自己畫嘅作品跑過黎，佢眼神充滿著熾熱嘅期待，
無聲仿有聲中傳遞著「快D讚我啦！」嘅表情。
依個就好似80年代選美都會答「世界和平」，
諗住應該最穩陣；但正正依個「標準答案」，
令孩子習慣由大人評價自己的結果。
其實，
我地可以讚賞孩子係過程中呈現嘅品格，例如：
當大人避免直接評論結果，轉為讚賞導致結果的品格，
能夠幫助孩子發現自己的能力，學習欣賞由自己的能力所能達到的結果。
2. 以問題引導自我評價
我地亦可以透過提問，引導孩子憶述自己創作嘅過程，
讓佢地自我發掘自身能力，學習自己欣賞自己。
3. 非言語嘅認同
邊個話讚一定講出口。
透過眼神、面部表情、肢體語言等，給予孩子的肯定，有時候好比千言萬語。
父母可以與孩子設計屬於你地的鼓勵方式，
可以係一個手勢、一個擊掌、碰碰手肘、
甚至由一連串動作組合而成的秘密握手(Secret Handshake)。
一方面可以直接給予孩子肯定，
另一方面獨特的握手方式成為你與孩子的小秘密，
係可以同孩子建立關係嘅小技巧！
