細路怕輸，可以話每一個家庭都會遇到嘅挑戰。
大家有無諗過，細個BB仔嘅時候，只係行為同結果嘅關係。
喺認知層面發展上，的確幼兒一開始對事物係並無概念。
但當大腦隨著時間發展，會慢慢對事物建立一定嘅認知，並開始對該事物產生期望。
而當事情演變不合乎預期，就會感到失望，係內在嘅感受，亦係成長同學習必經嘅階段。
但與此同時，係心理層面，孩子亦會透過其他人嘅反應，黎建立對成功和失敗嘅睇法。
著名教育家Rudolf Dreikurs分享過：
“孩子們都是一流的感知者，卻都是差勁的解讀者。”
“Children are good perceivers, but poor interpreters.”
當我地對小孩子嘅成功而感到雀躍，令佢地感受到被重視同時，
孩子會不其然將其解讀為「大人只重視成功者」嘅結論
因此，孩子懼怕失敗係十分常見。
而要反轉「大人只重視成功者」嘅諗法，家長需要引導孩子如何尊重失敗。
奶茶爸爸主要有2個導向：
在成功中學習尊重失敗
我地同孩子玩嘅時候，都好少會介意自己嘅輸贏。因此當孩子贏嘅時候，我地都會將過多嘅焦點擺係成功中嘅仔仔女女身上。
其實依個時候，我地可以引導孩子如何尊重失敗。一句簡單嘅“Good Game”，或鼓勵孩子主動握手嘅動作，都係尊重敗方嘅行為。
當孩子體會到失敗者值得被尊重，就會改變「大人只重視成功者」嘅諗法。
在失敗中體會被尊重
就如之前所分享，當人遇到失敗並感到沮喪、氣憤等情緒，就好似人肚餓，個肚會響，情緒會低落，其實係一種自然嘅心理反應。
因此，當孩子失敗嘅時候，需要嘅就唔係對勝負嘅教導，而係要先感受到被尊重嘅感覺。
所以謹記千萬唔好否定佢嘅情緒（正如你唔會話個肚打鼓係錯一樣）；
相反，我地可以透過講出佢地嘅情緒，令佢可以正視自己所經歷的感受。當孩子感受到父母接納同尊重作為敗方的自己，佢地先有能力慢慢學習面對失敗。
“我嘅人生唔係只有贏輸，輸唔可怕，輸完就放棄先係” by 吳安儀
香港桌球手吳安儀日前係社交媒體上分享，為於世界桌球錦標賽於外圍賽第一圈止步發表感言。
無論作為大人或者父母，都好需要學習如何尊重失敗。
讓我地都一齊學習，成為一個真正不怕失敗的挑戰者。
