你會唔會覺得，
世界最遙遠嘅距離，
係你把口同你細路隻耳仔？
儘管你嗌到樓下陳C9都聽到，
就係坐佢客廳玩緊嘅仔仔，
竟然可以無動於衷。
如果依個情況經常發生，好有可能，
你仔仔已經對你“雄厚”嘅聲線產生左免疫。
當人面對外來嘅威脅，
好自然會出現一個 “戰鬥或逃跑反應”
(Fight or Flight Response)
在大自然嘅環境下，
人類會依靠E個反應面對威脅，
係人類嘅生存本能。
現今社會，儘管相對安全得多，
但人類依然保留住“戰鬥或逃跑反應”。
而當你向仔仔“吼叫”嘅時候，
就可能觸及到佢“戰鬥或逃跑反應”，
自動對“威脅”落閘，
甚至更差嘅情況，
落入“開戰”嘅局面。
如果你經常遇到依個情況，
不妨試下，下一次有野同佢講，
揮手yap佢過黎，
跟住好似講秘密咁，私下細細聲講。
一方面，佢會對你突然改變嘅溝通方式感到好奇，
加上因為細細聲，
令佢更要留心聽你講乜；
另一方面，當你能夠細細聲講，
你會相對處於平靜嘅情緒，
亦能減低因此而“開戰”嘅機會。
奶茶爸爸 Dickens
Better Me Parenting 親職策劃師
