今日同大家分享，3種對管教技巧嘅迷思
❶.無立即改善 = 唔🅦🅞🅡🅚？
「無用嫁。我之前試過都唔得，最後咪又係要鬧佢先聽話！」
的確，打罵係最為直接的，因為能夠立即見效；但同時，效果係短暫嘅。
相反，管教技巧需要實踐一段時間，如約一星期，先可以初部定斷有無效。
而使用管教技巧的目的，不單單希望可以處理孩子嘅行為狀況，
而且目標係做到長期的改變，
幫助孩子內化，並產生能夠自動自覺的動力。
❷.小朋友行為反彈，不良行為仲嚴重左？
有唔少家長係實行管教技巧中，都會面對「行為反彈」依個問題。
其實依個係屬於正常嘅表現。
試想一下，如果有人一出生所學習嘅都係1+1=3，
有一日用計數機反而得出嘅結果係“2”，佢好直覺會覺得係計數機唔啱。
同一情況，當家長回應小朋友嘅結果唔同左，
佢地直覺唔會察覺係自己問題，而係會覺得覺得父母「唔啱」。
所以會出現不斷重複嘗試，甚麼加強行為力度，
希望重新得出原來的結果。
而要佢接受1+1=2嘅新結果，
就需要之後每一次佢輸入1+1嘅時間，都得出“2”依個結果。
小朋友可能會透過唔同嘅方式，或故意對唔同嘅人做出該行為，
黎測試結果係唔係真係唔同左。
而依個正正指出consistent parenting（一貫性管教）的重要性。
當測試重覆都得出同一個新結果，小朋友先可以接受並慢慢放棄舊有的行為模式，
並願意學習新的行為模式。
❸.認定自己小朋友「與眾不同」
「喺其他小朋友身上就可能得…… 但自己小朋友就唔work囉……」
明白，家長可能就同一個行為問題，已經試過唔同嘅方法。
而屢次失敗嘅經歷，會慢慢形成「佢都係改唔到」嘅諗法。
若管教技巧持續實行左一段時間，小朋友都無改善，
我的確會建議重新制訂管教策略。
因為每個小朋友同家庭都係獨特嘅，有唔同嘅價值觀同溝通模式，
所以并無一個標準嘅解決方案。
了解有乜野唔work，其實都同等重要。
正正係因為每個家庭都唔同，我地更需要透過嘗試唔同嘅技巧，
黎了解家庭嘅特性。
有時候我地更會發現，小朋友行為背後嘅一D潛意識，
例如對“愛”嘅理解、對“弟弟”角色認知等，
都一直影響到佢外在嘅行為。
當我地能夠將問題一層一層咁抽絲剝繭，
先可以搵到問題嘅核心，帶黎真正嘅改變。
~~~~
有時候，我地一味學習好多管教嘅技巧，
但卻忽略左，父母的溫柔而堅定，
先係正向管教嘅核心。
只要家長能夠認清何謂溫柔而堅定嘅管教，
就可以係正確嘅方向中，
尋找合適自己同屋企人嘅管教技巧。
~
無人一開始就識得做父母。
如果你感受到管教子女方面有難處，
身邊亦搵唔到可以支援你嘅對像，
可以試下聯絡Better Me Parenting，了解我地可以點幫到你。
