當我喺唔同地方分享嘅時候，好多家長都會急於提問：
「到底點先可以令小朋友聽話？」
父母好多時候都期望了解，點可以令小朋友受「管」同受「教」。但原來，要做到正向管教，我地要學識嘅唔係「管」同「教」，而係「聽」同「問」。
點解要學「聽」？
父母需要先學習耹聽。因為我地需要先示範何謂聆聽，才有資格要求孩子學習聆聽。
點解要學「問」？
父母需要先學習詢問。因為詢問亦係一種尊重，並給予孩子機會練習自己解決問題。
當長期面對小朋友「困獸鬥」， 我地好容易落入「管」與「教」嘅困局
越想「管」同「教」，就越難管教。
父母要認清管教目的，係要準備小朋友自立嘅過程。而要能夠在群體社會中自立，最重要嘅反而係學習如何互相尊重，並能夠自行思考合適嘅解難方法。
