孩子日Chur夜Chur，古靈精怪搞搞震，
可能係內心唔滿足嘅表現。
正向運動的盛行，令更多父母明白比起懲罰，
稱讚獎賞不但能夠維繫親子關係，同時更鼓勵好行為嘅出現。
因此好多時候，父母會習慣透過稱讚甚至物質，
黎滿足孩子的內心需求。
雖然稱讚好處多，
但孩子嘅滿足單單建基於別人嘅稱讚，
倘若未能轉化為自我價值，就變相依靠外來因素黎滿足自己。
過份在意別人對自己嘅評價，更令自己嘅價值與對方嘅評價掛鉤，
導致害怕失敗或拒絕他人，成為固步自封的「好好先生」。
還原基本步，
內在需求嘅滿足，其實係一種自我價值嘅肯定。
當人覺得自己有存在價值，便會懂得欣賞自己，
從而得到滿足感。
因此，我地要問，
要點先知道一樣野有價值？
其中一種方法就係我地都「需要」佢。
佢能夠透過「幫助」到我地，確立到自己嘅價值。
我地真係需要孩子嘅幫助嗎？
大概不需要。
但孩子需要感到「被需要」的滿足嗎？
非。常。重。要。
當孩子感受到自己「被需要」，體會自己有能力幫助到身邊嘅人，
就能以經歷中轉化，唔需要透過外來嘅稱讚，
能夠尋找到自己嘅價值，從內而外得到滿足感。
所以，不妨多容許孩子參與家庭的討論和家庭責任，
小至幫忙開檯食飯，大至幫忙計劃家庭日活動，
孩子能夠一方面學習責任心，
另一方面，能夠體會到自己的價值，
學懂由內到外的欣賞自己。
