乜野係一致性管教？
一致性管教（consistent parenting），係指生活中嘅經歷是否與父母所管教嘅內容配合。
一講對依一點，你或者會問，咁咪唧係身教~？
身教的確係一致性管教嘅一部份。但做到一致性管教，其實包含數個層面。我簡單將一致性管教分為3個層面。
1. 照顧者們的一致性
每個人嘅管教風格都大有不同，因為佢同我地嘅成長經歷同價值觀息息相關。
話雖如此，如果成日一個人話唔比，另一個又話比（又或者偷偷地比佢），小朋友會好容易對規則產生混淆，甚至鼓勵小朋友挑戰規則，令管教難上加難。
所以，照顧者需要就小朋友嘅管教得出共識，更加唔應該採取「一個好人，一個衰人」嘅做法。
2. 對待其他人的一致性
大人對自己同對其他人有唔同要求。但對於小朋友嚟講，其實會覺得好混淆。
我地有會理所當然地用唔同方式回應小朋友，但在於小朋友，就會覺得我地一時一樣，反而更唔相信我地所教嘅一套。
依個時候，一致性管教嘅做法可以：
「佢無問你就攞，我明白你一定好唔鍾意。如果你唔介意，你可以主動邀請佢問你可唔可以一齊玩？但如果你希望自己玩，你可以提議當你玩完，再比佢玩。」
3. 自己的一致性
「乜自己對自己都會唔一致嫁咩？」
其實有嫁。我又舉一個小朋友遇到小困難嘅例子……
透過例子見到，兩個家長回應都看似理所當然，但當放埋一齊思考，就唔難發現，原來係自相矛盾。
依個時候，一致性管教嘅做法可以：
「啱啱失敗左，的確會感到氣餒。不過我欣賞你有自己嘗試嘅過程，雖然搞左D麻煩出黎。不過唔緊要，我地一齊收拾返！」
當嬰兒出世嘅一刻，就係學習旅程嘅啟行。
而當佢地能夠預期某事情嘅發生（例如放手D野會跌），就會覺得自己能夠掌握，並從而覺得安心。
因此，我地需要盡量乎合一致性管教，令小朋友更有效學習。若發現自己言行不一嘅地方，我地可以同小朋友道歉，亦係身教錯誤中學習同道歉嘅生活表現。
