有家長同我分享過有關執玩具嘅煩惱。我又藉此分享一個有趣嘅做法，
我暫稱佢做「拯救玩具行動Alpha」。個名好似好勁，其實好簡單：
「拯救玩具行動Alpha」
- 先預備一個箱，我地可以幫佢改名，例如Toy Story既「索克天王基地」，並最好係放係一個小朋友睇到但攞唔到嘅地方。
- 預先提示後果，當小朋友唔執玩具嘅時候，玩具就會被「索克天王捉走」，放入「索克天王基地」。
- 如果小朋友係口頭提示下都決定唔執，父母只需要安靜咁將玩具收入「索克天王基地」，唔需要教訓。
- 當小朋友下次想玩嘅時候發現無左，就可以鼓勵小朋友，當下次玩完玩具能夠收拾，就可以救返（一件）被「捉」嘅玩具出黎！
依個方法正正應用左「後果」引導，同時將收起玩具（懲罰），轉為拯救玩具（獎勵）。
依個方法不但可以避免同孩子有直接衝突，而且件事重點由「無收拾玩具」轉為「有能力收拾玩具」，
並且融入左角色扮演原素，可以正面咁提升實行嘅內在動機。
你話佢大把玩具，收一兩件佢都唔覺痛？咁我地只需要持續實行就足夠。
當小朋友發現自己嘅玩具越黎越少，就會認真對於依個「後果」。
如果你話「索克天王基地」箱已經無晒玩具，無得獎勵佢？
咁我就可以恭喜你，你嘅小朋友已經學識自己執玩具。
~
如果覺得我地分享嘅資訊有用，
記得Like同Share我地嘅Post，
比更多人知道管教可以變得更輕鬆！
